Appeals of legal entities and individuals received through the website
Total appeal: 38Statistics phone helpline
СЕКТОР РАҲБАРЛАРИНИНГ ЁШЛАР БИЛАН УЧРАШУВИ БЎЛИБ ЎТДИ
2021-12-10 23:18:50 241
Чек-чуволдоқ маҳалла фуқаролар йиғинида Сектор раҳбарларининг ёшлар билан учрашуви бўлиб ўтди. Учрашувда 60 дан зиёд ёшлар қатнашиб, ўзларини қизиқтирган саволлар, фикр мулоҳазаларини баён қилдилар. Ўз навбатида ёшлар томонидан кўтарилган мурожаатлар тингланиб, баъзилари тегишли масъуллар иштирокида жойида ҳал этилган бўлса, қолган таклиф ва мурожаатлар тегишли тартибда кўриб чиқиладиган бўлди.
Президентимиз ташаббуси билан илгари сурилган "Беш ташаббус" лойиҳаси доирасида ёшларни маданият, санъат, театр, адабиёт ва санъатнинг бошқа турларига қизиқишларини оширишга қаратилган тадбирлар давомли ўтказиб борилмоқда. Бугун бўлиб ўтган ушбу тадбир туман маданият бўлими ходимлари томонидан мактабларда ва маданият марказларида ташкил этилган тўгараклар қатнашчиларининг ҳисобот концерти ҳисобланиб, санъатсевар ёшлар ўз иқтидорларини намойиш этдилар. Иқтидорли ёшлардан Кабирова Эъзоза, Аъзамова Рохатой, Баходирова Мухаббат, Кўпайсинова Мухаббатлар туман ҳокими томонидан тақдирландилар. Жангкетмонлик имконияти чекланган, иқтидорли Жасурбекка туман ҳокими томонидан янги аравача тақдим этилди.
Шу куни марказлар қошидаги кутубхоналар фондини бойитиш мақсадида китоб акцияси ҳам ташкил этилди. Акцияда 4 та сектор раҳбарлари, туман маънавият ва марифат маркази, Ёшлар агентлиги ва бошқа ташкилотлар фаол иштирок этиб, кутубхона фондини 400 дан зиёд китоблар билан бойитдилар.
Учрашувдан сўнг Маданият маркази ховлисида "Яшил макон" лойиҳаси доирасида сектор раҳбарлари томонидан кўчатлар экилди.
