Appeals of legal entities and individuals received through the website
Total appeal: 38Statistics phone helpline
Назм ва наво|Бобур мероси – беқиёс маънавий хазина
2023-02-14 16:59:15 285
Фурқат туманида буюк шоир ва олим, машҳур давлат арбоби Заҳириддин Муҳаммад Бобур таваллудининг 540 йиллиги муносабати билан “Буюк аждодимиз мероси – беқиёс маънавий хазина” деб номланган маънавий-маърифий тадбир бўлиб ўтди. Унда туман ҳокимлиги ва халқ таълими бўлими вакиллари, маънавият ва маърифат маркази фаоллари, ёшлар иштирок этди.
Тадбир аввалида жаҳон тарихида ўчмас из қолдирган бетакрор сиймолардан бири Заҳириддин Муҳаммад Бобур буюк шоир, қомусий олим, давлат арбоби ва моҳир саркарда сифатида бутун дунёда маълум ва машҳурлиги, шоир туғилган кун – 14 февраль санаси ҳар йили мамлакатимиз бўйлаб адабиёт ва илм-маърифат байрами сифатида нишонланиши таъкидланди.
Тадбир давомида туман маданият бўлими ходимлари, фолклор жамоалари томонидан Заҳириддин Муҳаммад Бобур ва Алишер Навоий қаламларига мансуб ғазаллардан куй ва қўшиқлардан иборат концерт дастури йиғилганларга манзур бўлди.
Дарҳақиқат, Президентимизнинг 2023 йил 25 январдаги “Буюк шоир ва олим, машҳур давлат арбоби Заҳириддин Муҳаммад Бобур таваллудининг 540 йиллигини кенг нишонлаш тўғрисида”ги қарори билан барча ҳудудларда юбилей санаси кенг нишонланаётгани улуғ шоирга кўрсатилаётган юксак ҳурмат-эҳтиромнинг ифодасидир.
Тадбирда Бобур ғазалларидан намуналар ўқилди, қўшиқлар ижро этилиб, шоир асарлари асосида яратилган саҳна кўринишлари намойиш қилинди. Умумтаълим мактаблари ўқувчилари ўртасида шеърият ва китобхонлик танловлари ўтказилди.
