Appeals of legal entities and individuals received through the website
Total appeal: 38Statistics phone helpline
Фурқат туманида энг гавжум бўлган яна 3 та чоррахада светофор ўрнатилди
2023-02-20 13:20:27 279
Кейинги пайтларда йўлларда автотранспорт воситаларининг тобора кўпайиб бораётгани яққол сезилмоқда. Лекин автотранспорт воситаларининг кўпаяётгани йўлларда ҳаракат хавфсизлигини таъминлаш, ҳайдовчи ва пиёдалар учун қулай шароитлар яратишни янада долзарб масалага айлантирмоқда.
Маълумки, туман маркази, марказга ёндош ҳудудлар, ижтимоий объектлар мавжуд магистрал йўл бўйлари эртадан кечгача автотранспорт ва пиёдалар билан гавжум. Бу ўз навбатида ҳайдовчи ва пиёдалар ҳаракатини тартибга солишни тақозо этиб келмоқда. Жангкетмон, Ҳайит, Эшон маҳаллалари ҳудудидан ўтувчи Навбаҳор-Яйпан магистрал йўли чоррахаларида 3 та рақамли светофор ўрнатилди. Бунинг натижасида умумтаълим мактабларига қатновчи ўқувчилар, иккиламчи йўлдан ҳаракатланиб келаётган ҳайдовчилар учун бирмунча қулайлик яратади.
Бундан ташқари ўтган йил давомида туман марказида, Кўкдўппи, Ғунча маҳалласи ҳудудларида, А376 серқатнов магистрал йўли билан боғловчи Навбаҳор, Бекобод, Шойимбек, Янги маҳалла ҳудудларида шу каби замонавий светофорлар ўрнатилиб, фойдаланишга топширилган эди.
