1. Bosh sahifa
2. Yangiliklar

Жиноят ишлари бўйича Фурқат туман судининг хабар беришича Қўқонбой фуқаролар йиғинида ўтказилган сайёр қабулда 4 нафар маҳкумнинг ишлари кўриб чиқилиб, озодликни чеклаш жазосини ўташдан муддатидан илгари шартли равишда озод этилган

×

22 январь куни Фарғона вилоят судининг судьялари Б.Хайдаров, А.Миножиддинов, А.Акбаров, Д.Мадаминов ва жиноят ишлари бўйича Фурқат туман суди раиси О.Хасановлар иштирокида Қўқонбой маҳалла фуқаролар йиғинида жиноят ва ҳуқуқбузарликлар, никоҳдан ажратиш, тадбиркорлик субъектлари иштирокидаги низолар ҳамда фуқароларнинг мурожаатлари кўпайган маҳаллалар, туманларда профилактика ишларини жонлаштиришга қаратилган сайёр қабул ўтказилди. 
Ушбу сайёр қабул жараёнида жиноят ишлари бўйича Фурқат туман суди раиси О.Хасанов томонидан муқаддам жиноят ишлари бўйича суд ҳукми билан жазо тайинланган, ушбу жазодан ўзига тегишли ҳулоса чиқарган ва тузалиш йўлига ўтган 4 нафар маҳкумларнинг ишлари кўриб чиқилди ва Ўзбекистон Республикаси Жиноят Кодексининг 73-моддасига асосан ўталмаган жазодан муддатидан олдин шартли равишда озод этилди. Ушбу сайёр қабул жараёнида 1 нафар маҳкум ахлоқ тузатиш тузатиш ишлари жазосини ўташдан муддатидан олдин шартли озод этилган бўлса, 3 нафар маҳкум озодликни чеклаш жазосини ўташдан муддатидан илгари шартли равишда озод этилди. Жазо муддатидан олдин озод этилганларнинг 3 нафари эркак ва 1 нафари аёл кишини ташкил этади.

Жиноят ишлари бўйича 
Фурқат туман суди раиси О.Хасанов