1. Bosh sahifa
2. Yangiliklar

Замонавий агротехник тадбирларни пухта ўзлаштирган миришкор фермерларнинг бугун юзи ёруғ, дастурхони бут

×

Фурқат туманидаги “Аслбек, Аюбхон, Аббосбек” фермер хўжалиги пахтакорлари томонидан жорий мавсумда ҳам пахта ҳосили белгиланган агротехник тадбирлар асосида парвариш қилинди.

Айни кунларда хўжаликда “оқ олтин”ни йиғиб-териб олиш авжида. Хўжалик томонидан шартнома режаси ортиғи билан бажарилди. Фермер хўжалик масъулларининг маълум қилишича, бу мавсум 36 тоннадан ортиқ пахта хирмони уюшга улгурилган.

Бугун туман ҳокими Жаҳонгир Жуманов, қишлоқ хўжалиги масъуллари ҳамрохлигида ушбу хўжалик дала майдонларида бўлиб, теримчилар, кўнгилли ҳашарчилар ҳолидан хабар олди. 

Теримчиларга ҳалол ва баракали меҳнатлари билан оила бюджетини барқарор қилишда куч-ғайрат тилаб, уларнинг барчаларига ташаккур билдирилди. 

Энг илғор теримчиларга эсдалик совғалари улашилди.