Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Президент соврини| Фурқат туманида "Хорижий тилларни ўқитиш бўйича энг яхши мактаб" танловининг ғолиблари тақдирланди
2023-05-02 19:42:17 347
Жорий йилнинг 19 апрел куни Президент соврини учун ўтказилган “Хорижий тилларни ўқитиш бўйича энг яхши мактаб” танловининг Фурқат тумани босқичи ўтказилган.
Тумандаги 37-мактабда ташкилланган танловнинг биринчи, яъни туман босқичида электрон платформада рўйхатдан ўтган 35 та умумтаълим мактабларининг ҳар бири 5 нафар ўқувчилардан иборат терма жамоаси хорижий тилларни билиш даражасини тест топшириқлари воситасида синовдан ўтказдилар.
Бугун эса ана шу танловнинг туман босқичи ғолибларини тақдирлашга бағишланган тантанали тадбир ўтказилди.
Тадбирда туман ҳокими Жаҳонгир Жуманов иштирок этиб, кейинги йилларда юртимизда хорижий тилларни ўрганиш борасида янгича тизим шакллантирилганлиги, мактаб ўқувчиларини хорижий тилларни пухта ўзлаштириши учун кўрилаётган зарурий чоралар ҳамда мана шундай танлов ва лойиҳалар ўз мевасини бераётганлиги ҳақида сўз юритди. Ёшлар, уларнинг устозларининг келгуси ўқиш ва ишларида янада улкан зафарлар ёр бўлишига тилаклар билдирилди.
Шу кунги маросимда танловнинг туман босқичида ғолиб бўлган мактаблар белгиланган пул мукофотлари билан тақдирланди.
Унга кўра:1-ўринни эгаллаган 37-мактаб – 100 миллион сўм;2-ўринни эгаллаган 13-мактаб – 75 миллион сўм;3-ўринни эгаллаган 35-мактаб – 50 миллион сўм миқдоридаги пул мукофотига эга бўлди.
Эслатиб ўтамиз, Ўтган 2022 йилда ўтказилган танловда 34-ИДУМ жамоаси 1-ўрин, 13-мактаб жамоаси 2-ўрин, 4-ИДУМ жамоаси 3-ўринни қўлга киритиб, Президент совринига сазавор бўлишган эди.
