Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Туман кенгаши депутатлари томонидан маҳаллалар инфратузилмасини яхшилаш мақсадида амалга оширилаётган ишлар сифати назоратга олиб борилмоқда
2023-05-13 23:22:51 159
Ўзбекистон Республикаси Президентининг 2022 йил 25 октябрдаги “2022-2023-йилларда маҳаллалар инфратузилмасини янада яхшилаш бўйича қўшимча чора-тадбирлар тўғрисида”ги ПҚ-408-сонли қарорининг ижроси бўйича туманда амалга оширилган ишларни назорат қилиш мақсадида ишчи гуруҳ тузилди.
Ишчи гуруҳда Халқ депутатлари Фурқат туман Кенгашининг “Саноат, транспорт, қурилиш, коммунал масалалари ва аҳолига хизмат кўрсатиш бўйича” доимий комиссияси аъзолари, депутатлар, Жамоатчилик Кенгаши аъзолари, соҳага оид тегишли мутахассислар жалб қилинди.
Ўрганишнинг биринчи кунида ишчи гуруҳ "Ғаллакор" ҳамда "Бекобод" маҳалла фуқаролар йиғинида йўл қурилиши бўйича шағаллаш, асфальтлаш ишларини жойига чиқган ҳолда кўздан кечирди.
Аниқланган ва бартараф этилиши зарур бўлган камчиликларни буюртмачи ва пудратчиларга жорий йилнинг 25 май кунига қадар бартараф этиб якунлаш вазифалари юкланди.
Жойларда Депутатлик назорати ўрнатилиб, ишчи гуруҳ томонидан ўрганиш ишлари давом этмоқда.
