Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Фурқат туманидаги барча маҳаллаларда ободонлаштириш ишлари қизғин давом этмоқда
2023-08-12 15:33:54 233
Жорий йилнинг 30 июлидан 30 августига қадар мамлакатимизда “Ободонлаштириш ойлиги” ўтказилмоқда.
Давлатимиз мустақиллигининг 32 йиллигини кенг нишонлашга пухта тайёргарлик кўриш, ҳудудларда ободлик ва кўкаламзорлаштириш ишлари кўламини янада кенгайтириш мақсадида Фурқат туманидаги барча маҳаллаларда ҳам ободонлаштириш ишлари қизғин давом этмоқда.
Эътиборлиси, кенг кўламли ободонлаштириш ва кўкаламзорлаштириш ишларида аҳоли вакиллари ҳам фаол иштирок этишмоқда. Шунингдек, ҳашар ишлари ободонлаштириш бошқармаси ва бошқа коммунал идоралар ходимлари томонидан ҳам ташкилланмоқда.
Уюшқоқликда давом этаётган ҳашарларда маҳаллалар, аҳоли турар жойлари, гузарлар, зиёратгоҳлар, қабристонлар, пиёдалар йўлакчалари тартибга келтирилиб, тунги ёритиш чироқлари таъмирланмоқда.
Шунингдек, туманнинг марказий кўчалари ҳамда туманга кириш қисмида жойлашган рамзий дарвозалар олд майдонига турли манзарали гуллар экилиб, кўкаламзорлаштирилмоқда.
Ободлик тадбирларига зарурий техникалар жалб этилиб, катта йўл ёқаларидаги манзарали дарахтлар ва гулларни суғориш ишлари олиб борилмоқда.
