Shrift o'lchami Rang Rasm

<< Fevral 2024 >>
DUSECHPAJUSHYA
   1234
567891011
12131415161718
19202122232425
26272829   

Yangiliklarga obuna bo'lish


Hozir saytda 1 nafar foydalanuvchi Ishonch telefoni statistikasi


Фарғона вилояти ҳокимининг биринчи ўринбосари Х.Сирожитдинов Фурқат туманида бўлди

×

 2024-02-09 08:14:28    841

PDF yuklash
Chop etish


Фурқат туманида тадбиркорлик фаолиятини қўллаб-қувватлаш, янги иш ўринларини яратишга қаратилган имтиёзли ресурслар, механизм ва енгилликлардан фойдаланиш самарадорлигини ошириш орқали аҳоли бандлигини таъминлаш, туманни ижтимоий-иқтисодий ривожлантириш, озиқ-овқат хавфсизлиги ва нарх-наво барқарорлигини таъминлаш ҳамда тармоқларда расмий банд бўлган фуқароларни рағбатлантириш бўйича айрим маҳаллалари танқидий ўрганилди.

Жумладан, "Эски", "Ғаллакор" маҳаллалари ҳудудида жойлашган тикувчилик ва бошқа тадбиркорлик соҳалари билан шуғулланиб келаётган тадбиркорлар билан учрашув  ўтказилди. Тадбиркорларнинг муаммо ва таклифлари эшитилиб, камчиликларни жойида бартараф этиш чоралари кўрилди. 

Ўрганиш давомида "Эски" маҳалла фуқаролар йиғинининг маъмурий биносини замонавий талабларга мос равишда қуриш ишлари кўздан кечирилди.

Бундан ташқари, "Ғаллакор" маҳалласи ҳудудидаги бўш турган ер майдонларини эркин танлов савдоларига чиқариш орқали янги иш ўринлари яратиш масалалари кўриб чиқилди.

Шу билан бирга, вилоят ҳокимининг биринчи ўринбосари томонидан туман деҳқон бозорида сотилаётган қўй гўшти нархи нисбатан қимматлиги танқид остига олинди. Озиқ-овқат маҳсулотлари нархлари, ташкил этилган савдо ярмаркасидаги маҳсулотлар турлари, ҳажми, қолаверса унинг сифати, нарх-наволарнинг барқарорлиги, тозалик, савдо маданияти, харидорлар ва савдо қилувчилар учун яратилган шароитлар юзасидан керакли кўрсатма ва таклифлар бериб ўтди.