So'x tuman favqulodda vaziyatlar bo'limi xodimlari tomonidan “Favqulodda vaziyatlardan muhofaza qilish va fuqaro muhofazasi oyligi” doirasida aholi xavfsizligini ta'minlash maqsadida keng qamrovli profilaktik tadbirlar o'tkazilmoqda. Tuman telekommunikatsiyalar bog'lanmasida o'tkazilgan maxsus-taktik o'quv mashqlarida ham favqulodda vaziyatlarda harakatlanish va birinchi yordam ko'rsatish amallari mashqlar asosida namoyish etildi. O'tkazilayotgan tadbirlarda, soha xodimlari tomonidan daxldor tashkilotlar ishtirokida aholi yashash xonadonlari, ijtimoiy soha obektlari, qurilish obektlari va boshqa obektlarda yong'in va boshqa turdagi favqulodda vaziyatlarning oldini olish hamda sodir bo'lganda to'g'ri harakat qilish yuzasidan atroflicha ma'lumotlar berilmoqda. So'x tumani hokimligi Axborot xizmati