Ma’lumki, yoshi ulug‘ insonlarning hayot yo‘llari har doim yoshlar uchun ibrat maktabi bo‘lib kelgan. Ularning duolari navqiron avlodga kuch-quvvat, g‘ayrat shijoat bag‘ishlaydi. Yoshi ulug‘larni hurmat qilish, ularga e’tibor va g‘amxo‘rlik ko‘rsatish jamiyatimizning o‘ziga xos yuksak ma’naviyati va madaniyati belgisidir. Qo‘shtepa tumani “Nuroniy” jamg‘armasining tashabbusi bilan o‘tkazilgan “Keksalar – e’zozimizda” deb nomlangan uchrashuvda xalqimizga xos ezgu an’analar yaqqol namoyon bo‘ldi. Tadbirda tumanimizda ko‘p yillar mehnat qilgan faxriylar ishtirok etishdi. Bir piyola choy ustidagi shirin diydor barchaga xushkayfiyat baxsh etib, faol va fidoyi hamyurtlar esga olindi, davraning fayzi bo‘lgan nuroniylarga ehtirom ko‘rsatildi.