Appeals of legal entities and individuals received through the website
Total appeal: 38Statistics phone helpline
Бугун ҳам тумандаги 4 та ҳудудда ифторлик дастурхони ёзилди
2023-03-30 08:40:00 299
Муборак Рамазон ойининг ҳаётимизда шукроналик, меҳр-оқибат, олийжаноблик қадриятларни қарор топтиришдаги ўрни ва аҳамияти беқиёс. Ушбу ойда эътиборга муҳтож инсонлар ҳолидан хабар олиш халқимизга хос қадрият ҳисобланади.
Шу боис ҳам, Президентимиз ташаббуси билан муборак Рамазон ойи кунларида юртимиз бўйлаб, аҳоли вакиллари учун ифторлик дастурхонлари ёзилмоқда. Бу каби хайр-саховат тадбирлари Фурқат тумани маҳаллаларида ҳам ташкил этилмоқда.
“Чиркай”, "Ҳайит","Шойимбек", "Чекчуволдоқ" каби маҳалла фуқаролар йиғинида “Махалла” хайрия жамоат фонди ҳисобидан ташкил этилган ифторлик дастурхонига нуроний отахон ва онахонлар, ижтимоий ҳимояга муҳтож фуқаролар, Аёллар, Темир дафтарларига киритилган оилалар вакиллари таклиф этилди.
Ифторлик дастурхонида ёши улуғ отахону онахонлар дуога қўл очиб, юртимизга тинчлик, элимизга омонлик, хонадонларга барака сўрашди. Кўрсатилган ҳурмат-эҳтиром учун миннатдорлик билдиришди.
