Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Фурқат туманида фермер хўжаликлари дала майдонларида асаларичилик ва узумчилик фаолияти йўлга қўйилади
2023-03-06 15:43:24 200
Бугун туман раҳбари раислигида "Уста Муроджон чорваси" фермер хўжалиги дала майдонида тумандаги ММТП раислари, фермер хўжалиги раҳбарлари, қишлоқ хўжалиги ходимлари иштирокида дала майдонларида токзорлар барпо этиш, асаларичилик фаолиятини йўлга қўйиш, токзорлар остига ошқовоқ экиш, кичик иссиқхоналар қуриш ва кўчат экиш орқали ҳар бир қарич ердан унумли фойдаланиш юзасидан семинар ўтказилди.
Семинар давомида масъулларга асаларичилик учун банк кредити олишда кўмаклашиш юзасидан вазифалар белгилаб берилди.
"Бекобод" маҳалла фуқаролар йиғинида ўтган йили ушбу фермер хўжалигидан деҳқончилик учун 10 йил муддатга ижара ҳуқуқи асосида 28 нафар аҳолига 15 сотихдан экин ер майдони ажратилган эди. Семинар давомида ушбу экин ер майдонининг бўш турган қисмига 4 км узунликдаги токзорлар ташкил этилиб, кичик иссиқхоналар қурилди. Ушбу майдонда самарали фойдаланиш учун шу ердан фойдаланувчи аҳоли вакилларига берилди. Бу ўз навбатида экин еридан самарали фойдаланиш орқали аҳоли даромадини ошириш ва озиқ-овқат барқарорлигини таъминлашга хизмат қилади.
