Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
"Turon odob-ilm" хусусий мактабида туман ҳокимлиги билан биргаликда ўқувчиларни касбга йўналтириш мақсадида интенсив балиқчилик учун махсус ҳовузлар ташкил қилинди
2023-05-06 12:12:09 367
Шу йилнинг 20 январь куни Президентимиз Шавкат Мирзиёев раислигида мактабларда хорижий тиллар ва касб ўргатиш тизимини ривожлантириш масалаларига бағишлаб ўтказилган йиғилишда мамлакатимиз таълим муассасаларида хорижий тилларни ўқитиш сифатини ошириш ва ўқувчиларни касбга йўналтириш масалалари кенг муҳокама қилинган эди.
Ёшларни касб ўрганишга қизиқтириш мақсадида мутасаддилар олдига таълим муассасаларида касб-ҳунар устахоналари ташкил этиш, уларни жиҳозлаш ва зарур ашёлар билан таъминлаш вазифаси қўйилди.
Бу борада Фурқат туманидаги таълим масканларида ҳам қатор чора-тадбирлар амалга оширилмоқда.
Хусусан, туманнинг Янги маҳалласида жойлашган "Turon odob-ilm" хусусий мактабида туман ҳокимлиги билан биргаликда интенсив балиқчилик учун махсус ҳовузлар ташкил қилиниб, ўқувчиларни касб-ҳунарга тайёрлаш йўлга қўйилди. Бу ерда ўқувчилар дарс машғулотларидан бўш вақтларида турли касблар сир асрорларини ўрганмоқдалар.
