1. Bosh sahifa
2. Yangiliklar

ЯНГИ УЙ МУБОРАК, РАЪНОХОН ОПА!

×

Фурқат тумани, Чек кўприк қишлоғида яшовчи Раънохон Рустамова ёлғиз аёллиги, ижтимоий ҳимояга муҳтожлиги сабабли “Темир дафтар”га киритилиб, туман ҳокимлиги, ҳомийлар томонидан моддий ва маънавий ёрдам кўрсатиб келинади.Туман ҳокими, 1-сектор раҳбари Жаҳонгир Жуманов томонидан маҳаллабай ишлаш жараёнида унинг хонадони, уй-жойлари эскириб, деярли яроқсиз аҳволда эканлигига гувоҳ бўлди. Ҳокимнинг ташаббуси ва ҳомийлар ёрдамида Раънохон опанинг уй-жой бинолари ўрнида янги уй қурилиши бошланди. Сал кам тўрт ой давомида 2 хонали уй, ошхона, айвон қурилиб, девор билан ўралди. Яшаш учун яроқсиз ҳолатдаги уй ўрнида шинам ва кўркам хонадон бунёд этилди. Ҳайит кунларида уй-жойни эгасига топшириш тадбирида маҳалла оқсоқоллари учун дастурхон тузалиб, ош тарқатилди. Йиғилганлар ёлғиз аёлга кўрсатилган бундай ғамхўрлик учун юртбошимизга, туман ҳокими ва ҳомийларга ташаккурларини изҳор қилиб, тинчлик ва барқарорлик абадий, шундай эзгу ишлар бардавом бўлишини тилаб, дуолар қилдилар.

.