2025 yil “Tashabbusli byudjet” loyixasining 2-bosqichi natijalari to‘g‘risida O‘zbekiston Respublikasi Prezidentining 2021 yil 13 apreldagi “Byudjet jarayonida fuqarolarning faol ishtirokini ta’minlash bo‘yicha qo‘shimcha chora-tadbirlar to‘g‘risida”gi PQ–5072-sonli va O‘zbekiston Respublikasi Oliy Majlisi Senati Kengashining 2024 yil 30 yanvardagi KQ-666-IV-sonli qarori asosida joriy etilgan “Tashabbusli byudjet” loyixasi 2-bosqichi 15-iyuldan 31-avgustga qadar to‘rt bosqichdan iborat jamoatchilik fikri asosida tadbirlarni shakllantirish jarayoni o‘tkazildi. Mazkur jarayon uchun jami qoldiq mablag‘lar xisobi bilan 15 320,0 mln.so‘m mablag‘ ajratilgan Ovoz berish natijalariga ko‘ra “Tashabbusli byudjet” loyihasining 2025 yil ikkinchi bosqich yakunlari bo‘yicha ENG KO‘P ovoz olgan umumiy qiymati 14,8 mlrd.so‘mlik 10 ta loyiha “Ochiq byudjet” axborot portalida avtomatik tarzda g‘olib sifatida tanlab olindi. Tuman bo‘yicha 39383 nafar fuqarolar ovoz berish jarayonida ishtirok etishdi. Axolini 33 % ni tashkil etadi. Ovoz berish jarayoni yakuniy natijalariga ko‘ra qiymati 14 857,0 mln.so‘mlik 10 ta loyihalar eng ko‘p ovoz to‘plab g‘olib deb topilgan loyixalar. Bular: - Furqat tumani Chek-ko‘prik MFY Chek-ko‘prik va Gulobod ichki ko‘chalariga asfaltlash. Loyixaga 3840 nafar fuqarolardan ovoz kelib tushgan va loyiha qiymati 1 499,0 mln.so‘mni tashkil etadi; - Furqat tumani Navbaxor MFYda joylashgan Tibbiyot birlashmasi uchun Kislorod stansiya xamda lift tizimini qurish. Loyixaga 4933 nafar fuqarodan ovoz kelib tushgan va loyiha qiymati 1 500,0 mln.so‘mni tashkil etadi; - Furqat tumani Chirkay MFYda joylashgan Kasb-xunar maktabiga jixoz sotib olish. Loyixaga 3765 nafar fuqarodan ovoz kelib tushgan va loyiha qiymati 1 422,9 mln.so‘mni tashkil etadi. - Furqat tumani Kaldushon MFYda joylashgan 24-DMTTga qo‘shimcha bino qurish. Loyixaga 2697 nafar fuqarodan ovoz kelib tushgan va loyiha qiymati 1 500,0 mln.so‘mni tashkil etgan. - Furqat tumani Karmak MFY elektr energiyasini yaxshilash. Loyixaga 4148 nafar fuqarodan ovoz kelib tushgan va loyiha qiymati 1 500,0 mln.so‘mni tashkil etgan. - Furqat tumani Bekobod MFY ichki ko‘chalarini asfaltlash. Loyixaga 3710 nafar fuqarolardan ovoz kelib tushgan va loyiha qiymati 1 499,0 mln.so‘mni tashkil etadi; - Furqat tumani Chilgi-jiyda MFYda joylashgan 17-maktabga jixoz sotib olish. Loyixaga 3894 nafar fuqarodan ovoz kelib tushgan va loyiha qiymati 1 433,9 mln.so‘mni tashkil etadi. - Furqat tumani Chek-chuvaldoq MFYda joylashgan 26-maktabga jixoz sotib olish. Loyixaga 3562 nafar fuqarodan ovoz kelib tushgan va loyiha qiymati 1 481,2 mln.so‘mni tashkil etadi. - Furqat tumani Besh-og‘a MFYda joylashgan 28-maktabga qo‘shimcha bino qurish. Loyixaga 3553 nafar fuqarodan ovoz kelib tushgan va loyiha qiymati 1 500,0 mln.so‘mni tashkil etgan. - Furqat tumani Polvontosh MFYda joylashgan 29-DMTTga qo‘shimcha bino qurish. Loyixaga 3509 nafar fuqarodan ovoz kelib tushgan va loyiha qiymati 1 500,0 mln.so‘mni tashkil etgan. Bundan tashqari O‘zbekiston Respublikasining 2025-yil 29-avgustdagi “Tashabbusli byudjet jarayonlarini takomillashtirish doirasida xalq vakillari va saylovchilar o‘rtasida xamkorlikni kuchaytirish chora-tadbirlari to‘g‘risida”gi PQ-264-sonli qaroriga asosan 2026 yil 1-yanvardan "Open byudjet"da g‘olib bo‘lmagan 2 ta loyihalar deputatlar tomonidan moliyalashtiriladi. Buning uchun xar bir deputatga bir yilda ikki mavsum uchun 3.3 mlrd so‘m mablag‘ respublika byudjetidan moliyalashtirilib beriladi. Shuningdek, 2026 yil 1 fevraldan boshlab tashabbuskor aholi tomonidan loyihalar qiymatining 50 foiz qismi ixtiyoriy ravishda moliyalashtirilsa, qolgan 50 foizi respublika byudjetidan moliyalashtiriladi. 2025 yil 1 sentyabrdan boshlab ba’zi loyihalar so‘nggi mavsumlarda ketma-ket 2 marotaba g‘olib bo‘lgan bo‘lsa-da, navbatdagi ikki mavsumda qatnashishi cheklanmaydi. Jumladan: —mahallalari soni 15 va undan kam bo‘lgan tuman va shaharlardagi barcha mahallalarga; —aholi va davlat o‘rtasida sheriklik asosida moliyalashtiriladigan loyihalarga. 2026 yilgi mavsumlar uchun respublika byudjetidan jami 1 trillion so‘m, shundan deputatlar tashabbuslari loyihalari uchun 494 milliard so‘m, sheriklik asosida moliyalashtiriladigan loyihalar uchun 506 milliard so‘m mablag‘ ajratiladi.