Bugungi kunda Qo‘shtepa tumanidagi “Istiqlol” mahallasida ko‘pchilik xonadonlarda issiqxona barpo etilib, pamidor, bodring mahsulotlari yetishtirilmoqda. Shu bilan birga bahorgi ekin uchun nihollar tayyorlanmoqda. Zero tomorqa – daromad manbaidir. Jumladan, ushbu mahallada yashovchi Odiljon Abduqodirov tomorqadan unumli foydalanib, bir yilda 3 marotaba hosil olmoqda. Tomorqaning 2 sotix qismida issiqxona mavjud bo‘lib, o‘tgan yili 40 million so‘mdan ziyod sof daromad olingan. Hozirda issiqxonada yetishtirilayotgan bodring, qalampir hamda ko‘katlar peshma-pesh bozor va savdo do‘konlariga yetkazib berilmoqda. Oila a’zolari esa bu yil ham mehnatlariga yarasha mo‘maygina daromad olmoqdalar.